السوق العربي للحيوانات
آخر زيارة لك في
هدفنا الاسمى هو رفع مستوى وتنمية هواية تربية الحمام و الطيور والحيوانات في الوطن العربي، نساعد المربين من هواة ومهتمين
بأمور تربيتها رعايتهاوكيفية التعامل معها، نعطي لهم فرصة الاستفادة والإفادة بكل شيء جديد .. الى جانب هذا يضع موقعنا
سوقا الكتروني لعرض سلعكم بالمجانوهو رهن اشارة الجميع .. متمنين لكم طيب الاقامة لدينا ، ويدا بيد نرتقي للافضل
إظهار / إخفاء الإعلاناتاعلانات المنتدى المدفوعة
مركز الإسكندرية الفني لإنشاء مزارع الأرانبمساحة اعلانية مدفوعة :: اظغط هنا للحجز
مركز تحميل الصورمساحة اعلانية مدفوعة :: اظغط هنا للحجز
  منتدى حمام المغرب العربي :: منتديات الحيوانات :: منتدى الكلاب

السوق الإلكترونيمعلومات عن تربية الحماممعلومات عن تربية الطيور احصائيات المنتدىالاوسمةدعم الموقع







معلومات نااادرة عن .. Belgian MalinoisG
كاتب الموضوعرسالة
نائب المدير العام
نائب المدير العام
<b>الإنتساب</b> الإنتساب : 05/08/2008
<b>العمر</b> العمر : 31
<b>المساهمات</b> المساهمات : 1500
<b>نقاط التميز</b> نقاط التميز : 6682
<b>تقييم المستوى</b> تقييم المستوى : 60
.
معاينة صفحة البيانات الشخصي للعضو
مُساهمةعنوان المشاركة: معلومات نااادرة عن .. Belgian MalinoisGمرسل: السبت 29 مايو 2010, 7:37 am





المالينوا كلب ينتمي لفصيلة
الكلاب البلجيكية واسمه Belgian Malinois وهي
تسميه فرنسيه وعلشان كده بتنطق مالينوا وليس "مالينو" او "مالينوس".
والموضوع ده انا عامله لتوضيح شخصية المالينوا، علشان كده مش هتكلم عن
تاريخه وأصله و شكله القياسي و الحاجات دي كلها.


المالينوا كلب راقي بمعنى
الكلمة، ومن أحسن الكلاب اللي اتعاملت معاها في حياتي، فهو كلب ذكي بدرجة
كبيره جدا وشخصيته مزيج فريد من الكبرياء والخضوع و الاخلاص مع لمسة من
الطفولة. كلب المالينوا كلب ذكي جدا جدا، لكن مشكلته مع اي حد مبتدئ في
التربيه هي كبرياء الكلب، لأن الكبرياء ده بيتفهم غلط على انه عند أو غباء،
لكن العكس صحيح، ولذلك المالينوا محتاج طريقه خاصه في التعامل معاه وفي
تدريبه وتلقينه الاوامر المختلفه.


وشخصية المالينوا ممكن
نحددها في مجموعة من النقاط:


1-
كلب ذو كبرياء شديد.


2-
كلب نشيط بدرجة كبيرة جدا جدا وطاقته الداخليه هائلة.


3-
شرس بالفطره بصورة كبيره جدا، وعنيف في كل تعاملاته نتيجة شراسته ونشاطه
الزائد.


4-
مخلص لصاحبه جدا على عكس ما يشاع عنه.


5- مرح
و حيوي وبيعشق الحرية والانطلاق.


6-
شخصيته محدده ورد فعله سريع جدا ولا يعرف التردد مطلقا.


7-
فضولي جدا، ومحب للاستكشاف لاي حاجة جديده حتى لو كانت خارج محيط اقامته.


8-
ثقته بنفسه وبقدراته كبيره وشجاع لأبعد الحدود.


9- عدائي
تجاه اي حيوان بالفطره.


دي كانت أهم سمات المالينوا
الشخصيه، ولو حللنا النقاط هذه هنطلع بشويه نتائج جميله جدا، وخلونا نبدأ :



1- الكبرياء:

المالينوا كلب ذو كبرياء بصورة
كبيره جدا، وهذا الكبرياء بيتفهم غلط في مواقف كتير اوي، وكمان بيخلي
التعامل مع المالينوا محتاج اسلوب خاص، يعني مثلا في تدريب المالينوا وعلى
عكس الكلاب كلها مش بنستخدم اسلوب العقاب ابدا، انما الاسلوب السليم هو
اسلوب المنع و المكافئه، يعني لما يعمل حاجة كويسه بنكافئه، و التشجيع
بيكون بالكلام فقط لانه محتاج تشجيع معنوى أكتر من التشجيع المادي، وعامة
المالينوا كلب زاهد في متع الدنيا زي ما بيقولوا، يعني الاكل و الحاجات دي
ملهاش قيمة كبيره عنده. ولما الكلب يغلط اثناء التدريب بنوقف التدريب فورا
ونسيب الكلب فتره 20 دقيقه ونرجع تاني نبدأ التمرين، طبعا من غير ما نزعق
او نضرب لان الضرب و الزعيق بينقلب لعند بسبب كبرياء المالينوا.



2-
النشاط:


المالينوا من الكلاب اللي
فعلا مش بتتعب، وعنده مقدره رهيبه على الشغل لفترات مفيش كلب تاني ممكن
يتحملها الا انواع معدوده زي الدوبرمان بينشر وعامة المالينوا ممكن يتدرب
لاي وقت ومفيش لنشاطه حدود، وكان ليا تجربه معاه فضل فيها الكلب صاحي 3
ايام متواصلين في نشاط مستمر في حراسه فيلا وفعلا اثبت جداره ونشاط مفيش
كلب تاني يقدر عليهم. وبسبب نشاطه الزايد هنلاقي ان المالينوا محتاج تمارين
يوميه بصورة مكثفه، يعني مش مجرد نزهة عاديه على الاقدام، وعامة بيفضل
تمرين المالينوا لمده 4 ساعات يوميا تمرين متواصل من جري و قفز حواجز، يعني
تمارين كلها بتعتمد على الحركة و النشاط. والمالينوا لو محصلش على
التمارين دي يوميا طاقته الداخله بتتسبب في مشاكل كبيره اوي لانها بتنقلب
لطاقه تخريبيه و عنف زائد عن الحد ومحاولات هروب متكرره.



3-
الشراسه:


المالينوا كلب شرس بالفطره
وشراسته عليه جدا، وبيعتبر من اشرس الانواع، ولذلك بيستخدم في اعمال الهجوم
و مكافحة الارهاب والهجوم المسلح اكتر من استخدامه في مجال المخدرات او فض
الشغب او الحراسه العادية. وشراسة المالينوا ممكن السيطره عليها لكن
محتاجه مدرب ماهر جدا وله خبره كبيره مع المالينوا، ده غير ان المالينوا من
الكلاب اللي ليها اسلوب مميز جدا في الهجوم و الانقضاض وغير متردده
بالمره، ورشاقته مع طاقته المرتفعه بتديله مزايا كتير اوي مع الشراسه
وبتخليه من افضل الكلاب في مجال الهجوم لتميزه باسلوب فريد فعلا.



4-
الاخلاص:


طبعا مفيش كلب غير مخلص، وكل
ما يشاع عن الدوبر والروت و المالينوا من الغدر وعدم الاخلاص كلام لا اساس
له من الصحه، والمالينوا من اكتر الكلاب اخلاصا لصاحبها وبيستميت في الدفاع
عنه، والمالينوا فيه ميزه، ان ممكن يكون ليه كذا صاحب، يعني واحد اساسي
والباقيين بردو اصحابه، وبيخلص ليهم كلهم اخلاص شديد جدا، ودي ميزه مش
موجوده مثلا في البيت بول أو الماستيف.



5- المرح و
الحيوية:


المالينوا كلب مرح جدا وحيوي
جدا، وميحبش يقعد كده هادي، دايما تلاقيه بيلعب ويحب جدا اللعب مع صاحبه،
بس لازم ناخد الحذر في اللعب معاه لان لعبه شرس وكتير بيلعب بعنف مبالغ
فيه، وناس كتير بتفتكر لعب المالينوا على انه هجوم او غدر لكن ده غير صحيح،
هو بس لعبه عنيف ومحتاج واحد يكون عنيف معاه في اللعب علشان يستمتع معاه.
وعامة العاب المالينوا اغلبها بتكون بين الجري و لعبة الفرسبي او العاب
الشد، يعني أي لعبه عنيفه هتمتع المالينوا جدا، وكمان هتحافظ على صحته
ومستوى شراسته.



6- عدم
التردد:


من أكتر الحاجات اللي بتميز
المالينوا هو عدم التردد في اتخاذ القرار، يعني لو اخد امر الهجوم مش
بيتردد ابدا حتى لو ميعرفش قدرات خصمه او لو عارف ان الخصم اكبر منه، لكن
بيبدأ الهجوم ومش بينتظر انه يدرس الخصم، ودي ميزه هايله فيه، ومهما كان
شايف من الخصم من علامات ترهيب بيهجم بدون تردد، ومش بينتظر الضربه الاولى
على عكس البيت بول مثلا.


7-
الفضول:


المالينوا من الكلاب الفضوليه
جدا، ميحبش يسيب حاجة ادامه من غير ما يعرفها، ودايما تلاقيه بيدور في
مكان اقامته ويتعرف على كل شيء جديد، ولو حاجة جدت لازم يعرفها ويدرسها
كويس، ودي طبعا حاجة كويسه لانه بالشكل ده بيكون عارف كل حاجة في مكان
اقامته وبيقدر يحدد اي مستجدات، لكن على الوجه الاخر الفضول بيسبب مشاكل
كتير، لان ممكن اثناء التنزه مثلا الكلب يجري يشوف عربيه او اي حاجة تانيه
ودي ممكن تتسبب في مشاكل كتير.



8- الثقه و
الشجاعه:


المالينوا كلب واثق من نفسه
لابعد الحدود وشجاعته عظيمه، وده طبعا نابع من الشراسه الفطريه والكبرياء،
والثقه و الشجاعه هي اللي بتديه عدم التردد، لانه واثق من قدراته جدا.
ولثقته في قدراته الاعتماد على المالينوا بيكون كبير في عمليات الهجوم لانه
لا يعرف الخوف ابدا والثقه دي بتسمحله انه يستخدم كل امكانياته.


9-
العدائيه:


المالينوا عدائي بطبعه تجاه
اي حيوان، ومن البدايه لازم تتم السيطره على النقطه دي فيه، وهي عمليه صعبه
شويه لكن مش مستحيله، وخصوصا لو تمت معاه من الصغر، ومن الحاجات العجيبه
في المالينوا ان العدائيه دي مش بتظهر مع الحيوانات الصغيره، واقصد اللي
عمرها صغير، يعني لو مثلا شاف جرو صغير عمره ما بيكون عدائي معاه بالعكس
بيكون قمة في الحنان معاه، وانا كان ليا تجارب كتير مع المالينوا بخصوص
الموضوع ده.


من تحليل شخصية المالينوا ،
نقدر نستخلص بعض النقط كده:


1- محتاج عنايه خاصه من ناحية التدريب والتمارين، يعني محتاج شخص
متفرغ وفاهم هو بيعمل ايه معاه.


2- لا
يفضل اقتناؤه مع كلاب او حيوانات اخري الا اذا كان سنه صغير علشان نقدر
نعوده على التعايش معاهم بسلام.


3-
لا يصلح للحراسه الشخصيه، لانه نشيط جدا ومحتاج للحركة كتير وفضولي.


4-
ممتاز في حراسه الاماكن الواسعه المفتوحه.


5-
ممتاز في اعمال الهجوم ومكافحة الارهاب وعمليات الاقتحام المسلح.


6-
لاينصح بيه لاي مربي


والان صور للكلب الرائع
والقوي والشجاع :












وهذه
صور له وقت الهجوم :







انشاء اتكونو استفدتم .
الـمـشـرف الـعــام
الـمـشـرف الـعــام
<b>الإنتساب</b> الإنتساب : 10/03/2010
<b>العمر</b> العمر : 26
<b>المساهمات</b> المساهمات : 1658
<b>نقاط التميز</b> نقاط التميز : 7048
<b>تقييم المستوى</b> تقييم المستوى : 50
<b>المديـنة</b> المديـنة : تيارت
.


مـرات التـتـويج : 3 مـرة
معاينة صفحة البيانات الشخصي للعضو
مُساهمةعنوان المشاركة: رد: معلومات نااادرة عن .. Belgian MalinoisGمرسل: السبت 04 ديسمبر 2010, 3:35 am



[b]
[/b]




هدفنا الاسمى هو رفع مستوى وتنمية هواية تربية الحمام و الطيور والحيوانات في الوطن العربي، نساعد المربين من هواة ومهتمين بأمور تربيتها رعايتها وكيفية التعامل معها ، نعطي لهم
فرصة الاستفادة والإفادة بكل شيء جديد .. الى جانب هذا يضع موقعنا سوقا الكتروني لعرض سلعكم بالمجان وهو رهن اشارة الجميع .. متمنين لكم طيب الاقامة لدينا ، ويدا بيد نرتقي للافضل

هـاوي مـاسـي خـبـيـر
هـاوي مـاسـي خـبـيـر
<b>الإنتساب</b> الإنتساب : 14/01/2010
<b>العمر</b> العمر : 21
<b>المساهمات</b> المساهمات : 2982
<b>نقاط التميز</b> نقاط التميز : 11905
<b>تقييم المستوى</b> تقييم المستوى : 37
<b>الــدولـــة</b> الــدولـــة : المغرب
<b>المديـنة</b> المديـنة : الفقيه بن صالح
.

مـرات التـتـويج : 3 مرات
معاينة صفحة البيانات الشخصي للعضو
مُساهمةعنوان المشاركة: رد: معلومات نااادرة عن .. Belgian MalinoisGمرسل: الأحد 05 ديسمبر 2010, 8:49 am


وماذا يمنع أن تنجو ل في صفحاتك

ونتمتع بيما يزرعه قلمك

من فن وابداع متقن

تقبلي مروري وشكري

صفحة 1 من اصل 1
صلاحيات هذا المنتدى:لاتستطيع الرد على المواضيع في هذا المنتدى
منتدى حمام المغرب العربي :: منتديات الحيوانات :: منتدى الكلاب-


حذف الكوكيز
Loading...

Powered by Sam Hameed and ahlamontada CMPS
Copyright ©2009 - 2011, Jelsoft Enterprises Ltd.
جميع الحقوق محفوظة لحمام المغرب العربي

pixels لمشاهدة أفضل يرجى استخدام دقة شاشة 1024* 768
For best browsing ever, use Firefox.
Copyright © 2011 - 2012 MдệSTяO. All rights reserved
Hmammaroc.Com
© phpBB | انشاء منتدى مجاني | منتدى مجاني للدعم و المساعدة | إتصل بنا | التبليغ عن محتوى مخالف | احدث مدونتك