السوق العربي للحيوانات
آخر زيارة لك في
هدفنا الاسمى هو رفع مستوى وتنمية هواية تربية الحمام و الطيور والحيوانات في الوطن العربي، نساعد المربين من هواة ومهتمين
بأمور تربيتها رعايتهاوكيفية التعامل معها، نعطي لهم فرصة الاستفادة والإفادة بكل شيء جديد .. الى جانب هذا يضع موقعنا
سوقا الكتروني لعرض سلعكم بالمجانوهو رهن اشارة الجميع .. متمنين لكم طيب الاقامة لدينا ، ويدا بيد نرتقي للافضل
إظهار / إخفاء الإعلاناتاعلانات المنتدى المدفوعة
مركز الإسكندرية الفني لإنشاء مزارع الأرانبمساحة اعلانية مدفوعة :: اظغط هنا للحجز
مركز تحميل الصورمساحة اعلانية مدفوعة :: اظغط هنا للحجز
  منتدى حمام المغرب العربي :: منتديات طيور عائلة الببغاء :: منتدى طيور الكوكاتيل

السوق الإلكترونيمعلومات عن تربية الحماممعلومات عن تربية الطيور احصائيات المنتدىالاوسمةدعم الموقع







الطفرات الجينية في الكوكاتيل
كاتب الموضوعرسالة
هـاوي نـشـيـط جـدا
هـاوي نـشـيـط جـدا
<b>الإنتساب</b> الإنتساب : 14/07/2008
<b>العمر</b> العمر : 26
<b>المساهمات</b> المساهمات : 795
<b>نقاط التميز</b> نقاط التميز : 3706
<b>تقييم المستوى</b> تقييم المستوى : 12
.
مـرات التـتـويج : 1 مـرة
معاينة صفحة البيانات الشخصي للعضو
مُساهمةعنوان المشاركة: الطفرات الجينية في الكوكاتيلمرسل: الأربعاء 21 أكتوبر 2009, 1:05 pm

الطفرات الجينية الطفرات الجينية في الكوكاتيل

في الحقيقة يسعدني اني اساهم في قسم الكوكاتيل بموضوع لشرح مبسط عن
الوراثة في الكوكاتيل.. وعلى الرغم من ان الكثير من الاعضاء ممن لديهم
الخبرة في هذا المجال قد سبقوني وشرحوا الموضوع ده لكن بناءا على طلب من
بعض الاخوة المحترمين في المنتدى لي بكتابة موضوع مبسط في وراثة الكوكاتيل
فحاولت اني اسرد الموضوع بشكل بسيط واتمنى من الله اني اكون وفقت في طرحي
الموضوع.

بسم الله..

قبل ما نتكلم عن الصفات الوراثية في الكوكاتيل لابد اننا نتطرق اولا لمصطلح "الطفرات الجينية" او Mutations ايه هيه الطفرات الجينية؟
الطفرة الجينية هي تغير في جزء من الجين او المادة الوراثية, وقد تؤثر
بشكل بسيط او لا تؤثر اطلاقا على الكائن الحي وهناك طفرة جينية قد تسبب
الوفاة, ولكن فيما يخص الطفرات الجينية اللي بنتكلم عنها واللي تخصنا
كمربين للكوكاتيل هي طفرات الوان ريش الطائر وهي طفرات غير ضارة.

طفرات الوان ريش الكوكاتيل بتكون من خلال صبغتين:
1- الميلانين (المسؤولة عن انتاج اللون الرمادي والبني)
2- الليبوكرومز (المسؤولة عن انتاج اللون الاصفر والبرتقالي)


مثال:
1- طفرة اللوتينو: وهنا بيحصل ازالة لصبغة الميلانين من على ريش الطائر
بالكامل, وبالتالي تغير لون الريش من الرمادي او البني (الفون) الى اللون
الابيض.
2- طفرة الوايت فيس: وهنا بيحصل ازالة لصبغة الليبوكرومز, وبالتالي تغير لون الريش من البرتقالي للون الابيض.
ملاحظة: في حالة المزج بين الطفرتين السابقتين بينتج طائر ابيض تماما (البينو).

كيف يتم توريث الطفرات الجينية في الكوكاتيل؟


من المعروف ان الخلية بتاعة اي كائن حي بتحتوي على مجموعتين من
الكروموسومات (مجموعة مستمدة من الام ومجموعة مستمدة من الاب) وكل مجموعة
منهم بتتكون من 23 كروموسوم (22 كروموسوم عادي وكروموسوم بيحدد الجنس اما
X او Y).
ومن المعروف كمان ان خلية الرجل بتكون XY في حين ان خلية الانثى بتكون XX,
انما في الطيور عامة بتكون العملية مقلوبة, ففي الذكر بتكون XX والانثى
بتكون XY.

مثال:
في حالة تزاوج كوكاتيل ذكر مع انثى, زي ما عرفنا ان كل منهم حيدي مجموعة
كروموسومات للجنين, عدد الكروموسومات في كل مجموعة 23 كروموسوم واحد فيهم
بيحدد الجنس, احنا هنا حنهتم بالكروموسوم اللي بيحدد الجنس وحننسى باقي ال
22 كروموسوم. طيب ايه اللي حيحصل؟
الذكر زي ما قلنا عنده XX والانثى عندها XY وبالتالي الذكر حيدي للجنين
واحدة X من الاتنين اللي عنده, انما الانثى حتدي اما X او Y, طيب لو
افترضنا انها ادت X يبقه الجنين حيبقه XX وبالتالي حيكون ذكر, انما لو
الانثى ادت Y, يبقه الجنين XY وبالتالي حيكون انثى.

نرجع للطفرات الجينية.. بعد ما كل من الذكر والانثى إدى الكروموسوم بتاعه
للجنين تيجي الطفرات الجينية وتلعب دورها, فتقوم مأثرة على كلا
الكروموسومين او على كروموسوم واحد او ما تأثرش على اي منهم نهائيا,
التنوع في التأثير ده هوه اللي بيحددلنا اذا كانت الطفرة دي سائدة او
متنحية او مرتبطة بالجنس.

-------------------------------------------------------------------------------------------------------

1- الطفرات الجينية السائدة

النوع ده من الطفرات مش محتاج عشان يظهر غير انه يتكون على كروموسوم واحد
بس من الاثنين بتوع الطائر وبالتالي حيتغير مظهر الطائر. ومن المعروف ان
اللون الرمادي للكوكاتيل (على الرغم من عدم اعتباره طفره جينية لان هوه ده
لون الكوكاتيل الاصلي) هو اللون السائد على كل الالوان الاخرى سواء
السائدة او المتنحية او حتى المرتبطة بالجنس (سيتم ذكرهم لاحقا).

الطفرات اللي من النوع ده بتضم: الكوكاتيل الفضي السائد (Dominant Silver), الكوكاتيل اصفر الخد السائد (Dominant Yellowcheek).

صورة الكوكاتيل الفضي السائد



صورة الكوكاتيل اصفر الخد السائد



-------------------------------------------------------------------------------------------------------

2- الطفرات الجينية المتنحية

بالنسبة للنوع ده من الطفرات بيحتاج عشان يظهر على الطائر انه يكون موجود على الاتنين كروموسوم مع بعض.
فمثلا: طفرة الوايت فيس للطائر عشان تظهر لابد انها تكون موجوده عند الاب
والام معا وبالتالي الجنين حياخد واحدة من الاب وواحدة من الام فحتظهر
عليه صفة الوايت فيس, اما لو اخد طفرة الوايت فيس من الاب بس او الام بس
حيبقه حامل للصفة فقط لكن مش حتظهر عليه صفة الوايت فيس وحيبقه اسمه سبليت
او هجين ويقدر بعد كده يورثه لنص ابناؤه.

الطفرات اللي من النوع ده بتضم: المصبع (البايد), الوايت فيس, الفالو (فون بس عينه حمراء Fallow), الفضي المتنحي (فضي بعيون حمراء).

وزي ما قلنا ان الطفرات الجينية المتنحية مش حتظهر الا لما تكون موجوده
على كلا الكروموسومين للطائر, لكن في معظم الاحيان بنلاقي كوكاتيل رمادي
او فون او فضي وفيه بقعة لونها ابيض (في حالة الوايت فيس) او اصفر على
راسهم من ورا, في الحالة دي بيكون الطائر هجين او سبليت بايد (مصبع) يعني
على الرغم من كون الطفرة الجينية حصلت على كروموسوم واحد فقط انما ظهر على
شكل الطائر الخارجي (دي حاجه خاصة فقك بالمصبع).

صورة للكوكاتيل المصبع او البايد



صورة للكوكاتيل الوايت فيس



صورة للكوكاتيل الفالو (فون بعيون حمراء)



صورة للكوكاتيل الفضي المتنحي (فضي بعيون حمراء)



-------------------------------------------------------------------------------------------------------

3- الطفرات الجينية المرتبطة بالجنس

زي ما قلنا قبل كده ان كروموسومات تحديد الجنس هي X و Y, النوع ده من
الطفرات بيتم على كروموسوم X فقط ومش بيتم على كروموسوم Y, وبالتالي
فالانثى اللي هيه (XY) لو حصل طفرة مرتبطة بالجنس يبقه حتحصل على X واحدة
فقط (يعني ما ينفعش نقول انثى سبليت لصفة مرتبطة بالجنس), فمثلا: مينفعش
نقول انثى سبليت ايزابيل لان الايزابيل طفرة او صفة مرتبطة بالجنس يعني
بتحصل على كروموسوم X وبما ان الانثى عندها X واحده بس يبقه لازم تكون
ايزابيل وشكلها ايزابيل لكن مش سبليت ايزابيل.
انما الذكر (XX) ممكن تحصل الطفرة على X واحدة او الاتنين مع بعض او ما
تحصلش خالص, فمثلا: لو حصلت على كروموسوم واحد من الاتنين X اللي عنده
يبقه اسمه سبليت ايزابيل, ولو حصلت على الاتنين يبقه ايزابيل وهكذا..

الطفرات اللي من النوع ده بتضم: الايزابيل (Pearl), اللوتينو (Lutino),
الفون (Cinnamon), البينو (خليط بين صفة متنحية "وايت فيس" وصفة مرتبطة
بالجنس "لوتينو").

صورة للكوكاتيل الايزابيل



صورة للكوكاتيل اللوتينو



صورة للكوكاتيل الفون



صورة للكوكاتيل الالبينو



اتمنى من الله اني اكون وفقت في سرد الموضوع واني اكون اضفت حاجه لاخواني اعضاء منتدانا الغالي.

تحياتي لكم
هـاوي جـديـد
هـاوي جـديـد
<b>الإنتساب</b> الإنتساب : 21/02/2010
<b>العمر</b> العمر : 29
<b>المساهمات</b> المساهمات : 9
<b>نقاط التميز</b> نقاط التميز : 9
<b>تقييم المستوى</b> تقييم المستوى : 0
. مـرات التـتـويج : 0 مـرة
معاينة صفحة البيانات الشخصي للعضو
مُساهمةعنوان المشاركة: رد: الطفرات الجينية في الكوكاتيلمرسل: الجمعة 26 فبراير 2010, 6:04 am


مشكورعلى المعلومات القيمة و المفيدة
لهذا الطائر الجميل
هـاوي نـشـيـط جـدا
هـاوي نـشـيـط جـدا
<b>الإنتساب</b> الإنتساب : 24/01/2010
<b>العمر</b> العمر : 24
<b>المساهمات</b> المساهمات : 448
<b>نقاط التميز</b> نقاط التميز : 797
<b>تقييم المستوى</b> تقييم المستوى : 7
<b>المديـنة</b> المديـنة : tetouan
. مـرات التـتـويج : 0 مـرة
معاينة صفحة البيانات الشخصي للعضو
مُساهمةعنوان المشاركة: رد: الطفرات الجينية في الكوكاتيلمرسل: الجمعة 26 فبراير 2010, 6:08 am

مراقب منتدى الغزار المصري
مراقب منتدى الغزار المصري
<b>الإنتساب</b> الإنتساب : 23/01/2011
<b>العمر</b> العمر : 43
<b>المساهمات</b> المساهمات : 836
<b>نقاط التميز</b> نقاط التميز : 3372
<b>تقييم المستوى</b> تقييم المستوى : 8
<b>الــدولـــة</b> الــدولـــة : مصر
<b>المديـنة</b> المديـنة : طنطا - ش النادى
.


مـرات التـتـويج : 4 مرات
معاينة صفحة البيانات الشخصي للعضو
مُساهمةعنوان المشاركة: رد: الطفرات الجينية في الكوكاتيلمرسل: الجمعة 20 مايو 2011, 8:42 am

صفحة 1 من اصل 1
صلاحيات هذا المنتدى:لاتستطيع الرد على المواضيع في هذا المنتدى
منتدى حمام المغرب العربي :: منتديات طيور عائلة الببغاء :: منتدى طيور الكوكاتيل-
مواقع صديقة :   شات حسايف  


حذف الكوكيز
Loading...

Powered by Sam Hameed and ahlamontada CMPS
Copyright ©2009 - 2011, Jelsoft Enterprises Ltd.
جميع الحقوق محفوظة لحمام المغرب العربي

pixels لمشاهدة أفضل يرجى استخدام دقة شاشة 1024* 768
For best browsing ever, use Firefox.
Copyright © 2011 - 2012 MдệSTяO. All rights reserved
Hmammaroc.Com
© phpBB | انشئ منتدى | منتدى مجاني للدعم و المساعدة | إتصل بنا | التبليغ عن محتوى مخالف | احدث مدونتك